By ဗွီအိုအေ (မြန်မာဌာန) တနင်္ဂနွေ, 31 အောက်တိုဘာ 2010 မြန်မာစစ်အစိုးရ လက်ထက်မှာ ဒုတိယအကြိမ် ပြုလုပ်မယ့် ရွေးကောက်ပွဲ ကိစ္စကို တရုတ်နိုင်ငံကို ရောက်နေတဲ့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) နဲ့ တရုတ် နိုင်ငံခြားရေးဝန်ကြီး ယန် ဂျီးချီ (Yang Jiechi) တို့ ဆွေးနွေးခဲ့ကြပါတယ်။
မြန်မာနိုင်ငံကိစ္စ၊ နျူကလီးယားလက်နက် မပြန့်ပွားရေးကိစ္စ၊ ကိုရီးယား ကျွန်းဆွယ်ကိစ္စ စတဲ့ အရေးကိစ္စတွေကို ဆွေးနွေးခဲ့ကြတယ်လို့ ကုလသမဂ္ဂက ပြောပါတယ်။ ဆွေးနွေးမှု အသေးစိတ်ကိုတော့ ပြောကြားခြင်း မရှိပါဘူး။
Monday, November 1, 2010
ဗီယက်နမ်မှာ နျူကလီးယားသုံး လျှပ်စစ်ဓာတ်အားပေး စက်ရုံ ဆောက်မည်
အလျှင်အမြန် ကြီးထွားနေတဲ့ စီးပွားရေးအတွက် ဂျပန်နဲ့ ရုရှား အကူအညီကိုယူပြီး နျူကလီးယားစွမ်းအင် ထုတ်လုပ်မယ်လို့ ဗီယက်နမ်က ပြောပါတယ်။
ဗီယက်နမ်မှာ နျူကလီးယား လျှပ်စစ်ဓာတ်အားပေး စက်ရုံကို ၂ နိုင်ငံပေါင်းပြီး ဆောက်လုပ်မယ်လို့ ဗီယက်နမ် ဝန်ကြီးချုပ် ငုယင် တန်ဒန်း (Nguyen Tan Dung) နဲ့ ဗီယက်နမ်ကို ရောက်နေတဲ့ ဂျပန်ကြီးချုပ် နာအိုတို ကန် (Naoto Kan) တို့က တနင်္ဂနွေနေ့က ပြောပါတယ်။ဗီယက်နမ်နိုင်ငံက ရှားပါး သယံဇာတ တူးဖော်ရေးမှာ အတူတွဲလုပ်ဖို့ ဗီယက်နမ် အစိုးရက ဂျပန်ကို ရွေးချယ်ခဲ့တယ်လို့လည်း ဂျပန်ဝန်ကြီးချုပ်က ပြောပါတယ်။
ဒီသဘောတူချက်ဟာ ဂျပန်နဲ့ ဗီယက်နမ်ကြား ဗျူဟာမြောက် ပူးပေါင်းဆောင်ရွက်ကြမယ့် လက္ခဏာ ဖြစ်တယ်လို့လည်း ဂျပန်ကြီးချုပ် နာအိုတို ကန်က ပြောခဲ့ပါတယ်။
မြန်မာရွေးကောက်ပွဲ တရားမျှတ လွတ်လပ်ဖို့ သြစတြေးလျ တောင်းဆို
By ကိုရန်နိုင် တနင်္ဂနွေ, 31 အောက်တိုဘာ 2010 
မြန်မာနိုင်ငံမှာ ရွေးကောက်ပွဲ ကျင်းပဖို့ ၁ ပတ်လောက်ပဲ လိုတော့တဲ့အချိန်မှာ သြစတြေးလျ အစိုးရက မြန်မာစစ်အစိုးရ ကျင်းပမယ့် ရွေးကောက်ပွဲ အပေါ်မှာ အလွန်အမင်း သံသယ ဖြစ်မိတယ်လို့ ပြောလိုက်ပါတယ်။ ဒါ့အပြင် ဒီရွေးကောက်ပွဲကို လွတ်လပ် တရားမျှတပြီး အားလုံးပါဝင်တဲ့ ရွေးကောက်ပွဲ ဖြစ်ဖို့နဲ့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံး လွှတ်ပေးဖို့လည်း တောင်းဆိုလိုက်ပါတယ်။ အပြည့်အစုံကို ကိုရန်နိုင်က တင်ပြပေးထားပါတယ်။
ဓာတ်ပုံ AP သြစတြေးလျ နိုင်ငံခြားရေးဝန်ကြီး ကယ်ဗင် ရပ်ဒ်။ ဇွန် ၂၃၊ ၂၀၁၀။
ရွေးကောက်ပွဲမှာ ပြည်တွင်းသတင်းထောက်တွေ အစိုးရ အစီအစဉ်နဲ့သာ သတင်းယူရမည်
ပြည်တွင်းအခြေစိုက် နိုင်ငံခြား သတင်းထောက်တွေ ရွေးကောက်ပွဲသတင်း ရယူဖို့ နိုင်ငံခြား သံတမန်တွေနဲ့အတူ စစ်အစိုးရ အစီအစဉ်နဲ့ သွားရောက်ရမှာ ဖြစ်ပါတယ်။ ပြည်တွင်းအခြေစိုက် သတင်းဂျာနယ်တွေက သတင်းထောက်တွေကိုလည်း စာပေစိစစ်ရေးက စီစဉ်ပေးတဲ့ကားနဲ့ မဲရုံတွေကို သွားရောက် သတင်းယူရမှာ ဖြစ်ပါတယ်။ မဲရုံထဲမှာလည်း ဓာတ်ပုံရိုက်ခွင့် မပေးပါဘူး။ သတင်းထောက်တွေကို သတင်းယူခွင့် ထိန်းချုပ်လိုက်တာကြောင့် ရွေးကောက်ပွဲ သတင်းတွေ မှန်မှန်ကန်ကန် ထွက်ပေါ်လာမှာ မဟုတ်ဘူးလို့ မြန်မာ သတင်းသမဂ္ဂက ပြောပါတယ်။ အပြည့်အစုံကို မသိင်္ဂီထိုက်က တင်ပြပေးထားပါတယ်။
Subscribe to:
Posts (Atom)